Young Indians (Yi) Mizoram Chapter tlangzarh

Confederation of Indian Industries (CII) youth wing, Young In­dians (Yi), Mizoram Chapter chu Ningani khan Hotel Floria-ah tlangzarh a ni.

Ningani zana an tlangzarh tak Yi Mizoram hi an inzar pharhna Chapter 42-na a ni a; minister of state Vanlalawmpuii Chawng­thu-in a hmanpui a, ani bakah hian Yi national chairman Anuj Kothari leh Yi national vice chairman Mr Annush Ramasamy-te pawh an tel.

Yi Mizoram Chapter tlangzarh inkhawm hi Pallavi Barua, Yi regional chair (North East) chuan a kaihruai a, L V Lalthantluanga, Zonet chu chair atan thlan niin, Maggie Lalnunsangi chu co-chair atan thlan a ni bawk.

Yi hi CII peng pakhat niin kum 2002-a din kha a ni a, India ṭhalaite ten ram hmasawn zelah an duhthusam an tihpuitlinna tur kawng hawnsak chu a tum ber a ni.

Khawpui 40-ah member 2400 vel neiin, state 27-ah an inzarpharh tawh a, Yi zawmpui 'Yuva' hnuaiah zirlai 14,000 vel an awm mek bawk.

Young Indians-ah hian ṭhalai kum 21 aṭanga 40 inkar member a nih theih a, entrepreneurs, pro­fessional leh kawng hrang hranga hlawhtlinna neite tan an tel theih.

Yi Mizoram Chapter hian road safety, Yuva, kawng hrang hranga thiamna pek, an thiamna lantirna tur hmanraw pek, thingtlang hmasawnna ngaihtuahte chu an hmachhawp zingah a tel.