Tlabung kawng siam chak turin ngen

MZP sub-headquarters, Tlabung hruaitute chuan nimin khan Lunglei leh Tlabung inkar kawng siam meka Pakage-3 bik chu PWD Lunglei Division hotute nen an enho a; kawng siamtu GP Project-te chu a chak thei ang bera hna thawk turin an ngen.

Tlabung MZP chuan, Lunglei-Tlabung kawng, Pakage-3 huam chhung chu fûr ruahtui tlain a tihchhiah belh nasat avangin PWD hotute nen an enho tih an tarlang a, "A khuar nasa zual leh motor tana kal harsa zual hnawh tum a ni a, Package-3 changtu GP Project-te pawh labour tam thei ang bera dah tur leh hna ṭhulh vak loa thawk turin kan ngen tak meuh a ni," an ti.

Tlabung MZP chuan, Tlabung kawng a ṭhat theihna ture PWD-in ṭhahnem an ngaihpui avangin MZP Tlabung chuan lawmawm an tih thu an tarlang a; a ṭul a nih chuan an puih hreh loh thu leh kawng siam dan chu en zui zel an tum thu an sawi bawk