Larsapin MULCO leh Vety College a tlawh

Governor Kummanam Rajasekharan chuan, nimin khan Mizoram Multi-Com­modity Producers Cooperative Union (MUL­CO) hmunpui, Ṭhuampui leh College of Veterinary Sciences & Animal Husbandry, Central Agricultural Uni­versity, Selesih-te a tlawh.

MULCO hmun a tlawh­naah Larsap hi managing director Dr Lalremliana leh a thawpuite'n lo dawng­sawngin, pro­curement area, labo­ratory, proce­ssing unit leh packaging unit-te an fanpui a; MULCO inzàr pharh dan te, an siam chhuah zat te, an mamawh la khawm tura an harsatnate leh hmasawn zel tura an harsatnate an sawiho nghal.

Governor hian College of Veterinary Sciences & Animal Husbandry (CVScAH) a tlawhnaah thu sawiin, "Mithiam rual kalkhawmte hian ram kalsiamah hmun pawimawh tak an luah a ni. Kut hnathawhtute thiamna tihpun kawng­ah an pawimawh a, an thiamna leh kut hna­thawk­tute thiamnate hmangin, India rama Mizo­ram dinhmun sang taka an hlangkai thei a ni," a ti.