KHAWTHLIR

Vawiin January 11 hi Mizorama missionary lut hmasa Sap Upa leh Pu Buanga ten Mizoram an luh ní, 'Missionary Day' vawi 126-na a ni a, Mizoram Presbyterian Kohhranin an kohhran din ni atana an hman mek a ni bawk. Missionary Day hi Baptist Church of Mizoram chuan uar takin an hmang dawn a, ruaiṭheh turte pawh an awm; thupui chu 'Chanchin ṭha hi kan damna a ni' tih leh 'Thuhretu ni tura koh' tih a ni. Presbyterian Kohhran pawhin an kohhran din ni atan an hman avangin he ni pual hian hun an hmang bawk ang.

Modern English Higher Secondary School chuan nimin khan Aizawl Civil hospital-ah thisen unit 34 an pe a, a petute hmeichhia 17 leh mipa 17 an ni. KṬP, Khuangpuilam Branch pawhin an din champha vawi 10-na pualin nimin khan Kolasib District Hospital tan thisen unit 26 an pe a, petute mipa 20 leh hmeichhia paruk an ni.