Minister-in kawng siam mek a en

Minister of state Robert Romawia Royte chuan nimin zing khan a bial chhunga Bazar Bungkawn aṭanga Armed Veng panna kawngpui bumboh lutuk thawm ṭhat hna thawh mek a en a, PWD hotute leh Saron Veng Local Council member-te'n an ṭawiawm.

Robert Romawia chuan, Saron Veng kaltlanga Chhinga Vengthar leh Tuithiang Veng inkalpawhna tur lei dawh mek chu kumin chhung ngeia dawh zawh hman a beisei thu a sawi a; Chhinga Veng Bethany kawng siam nan Tribal Affairs Ministry-in first phase atan cheng nuai 70 a pawm tawh thu leh Chhinga Vengthar tan tuikhur siamna tur sum a ngaihtuahpui tur thu a sawi bawk.