Covid-19 vangin mi 586 thi tawh

Nimin khan tlai dar 5 thlengin Mizoramah Covid-19 vangin mi pathum an thi a, January 23, Pathianni khan mi pahnih an thi bawk a; natna dang nei tel vek an ni. Mizoramah hripui vangin mi 586 an thi tawh a, kumin January thla bikah mi 40 an thi tawh.

January 23, Pathianni tlai dar 2:40 khan Hamkila (77), Hrangchalkawn, Lunglei chu hripui vangin DCHC, Lungleiah a thi a, Covid-19 vei a ni tih January 22 khan finfiah a ni. Lalsiami (89), Rawpuichhip, Mamit district pawh January 23 zan dar 9:15 khan hripui vangin an inah a thi a; Covid-19 positive a ni tih January 20, 2022 khan hmuh chhuah a ni a, enkawlna hmun bikah enkawl loin, an inah enkawl a ni.

Pathianni zan zanlai pelh hnu, January 24 dar 12:30 a.m. khan Dr R Laldinthara (56), Champhai Vengthlang chu State Referral Hospital-ah a thi a; Covid-19 vei a ni tih January 8, 2022 khan hmuh chhuah niin, a tûk January 9 khan SRH-ah enkawl ṭan a ni tih sorkar thuchhuakin a tarlang.

Nimin zing dar 5:10 khan K Sumkama (80), Saipum, Kolasib district chu SRH-ah a thi a, Covid-19 positive a ni tih January 11 khan hmuh