Bairabi bula Tlawng luiah Anti-Erosion Work kalpui dawn

Minister of state K Lalrinliana chuan nimin khan a bial chhung Bairabi khuaa Sub-Deputy Commissioner (SDC) pisa thar a hawng. Minister chuan, state dang nena inkalpawhna tihchangtlun nan Tlawng lui hman ṭangkai tum a nih thu leh Tlawng luiin lei a lâk vanga harsatna thleng zel tur ven nan Anti-Erosion Work kalpui ṭan a nih dawn thu a sawi.

K Lalrinliana chuan, Bairabi chu Mizoram luhka pawimawh, rél chawlhmun awmna leh ṭhenawm state nena ram inrìna hmun pawimawh a nih avangin sorkarin a ngai pawimawh tih a sawi a, “State dang nena inkalpawhna tihchangtlun lehzual nan Tlawng lui hman ṭangkai tum a ni a, Tlawng lui luangin lei a lâk avanga harsatna thleng zel tur ven nan Anti-Erosion Work kalpui ṭan a ni dawn,” a ti.

Minister-in a hawn tâk Bairabi SDC pisa hi Rs 55,65,163 sênga sak a ni a, September 21, 2019-ah sak ṭan a ni.