Rs.1,94,97,581 hû thubuai 239 chingfel

Mizoram State Legal Services Authority (MSLSA) leh a hnuaia District Legal Services Authority-te chuan September 8, Inrinni khan Lok Adalat an nei a, Rs. 1,94,97,581 hû thubuai 239 chinfel a ni.

MSLSA hotute hnen aṭanga thu dawn danin, Lok Adalat-ah hian thubuai 980 ngaihtuah niin, chu'ng zinga 249 chu chinfel a ni a, an chinfel china sum inrawlh zat chu Rs. 1,94,97,581 a ni. Sum chinfel tamna ber chu bank recovery case a ni a, hetah hian case 419 an khawih zinga 192 chinfel niin, a hlut zawng chu Rs. 1,80,88,758 a tling.

Leiba inṭhìnna (money suit) case 49 ngaihtuah zinga paruk chingfelin, Rs. 2,29,632 hû a ni a; civil suit 86 ngaihtuah zinga 38 chinfel niin, Rs. 6,85,733 hû a ni. Complaint an dawn pariat zinga panga an chingfel a, Rs. 1,38,158 hû a ni a; Telecom (BSNL) case 400 zinga pathum chinfel niin, Rs. 5,300 hû a ni. Ram buai thubuai 11 ngaihtuah zinga panga, Rs. 3,50,000 hû chinfel a ni a; probate paruk leh family dispute pakhat an ngaihtuah bawk.