Pawl pathum an thawkho dawn

PRISM party chuan press statement siamin, PRISM, Mizoram Chhantu Pawl (MCP) leh Operation Mizoram-te Mizoram leh hnam hmakhua sut ên a nih theih nan hmalakho an remti tih an puang a; an hmalaknaah tel turin mipui an sáwm.

PRISM tarlan danin, pawl pathumin hma an lakhona tura an chhawpte chu - Mizoram-Assam ramri chinfel te, Mizoram leh hnam himna tura Sixth Schedule-a awm (Autonomous Tribal State of Mizoram) te, Mizorama dan loa awm hnam dang leh foreigner-te ûm chhuah nan leh Constitution hnuaia chanvo chan a nih theih nan The Scheduled Castes and The Scheduled Tribes (Prevention of Atrocities) Act, 1989 chak zawka hmante a tel.

Pawl pathum hruaitute chuan, Mizoram ramri leh Mizo hnam chanvo humhalh ngam tur sorkar neih a ngai an tih thu sawiin, political party leh pawl hrang hrangte dawrin hmalakpui atan an sáwm ṭhin niin an sawi a, "Tun hnaiah Operation Mizoram, MCP leh PRISM party-te kan indawr bing ta a; kumin­a MLA inthlan lo awm tura kan ram leh hnam chhanhim tur leh hmasawn pui ngei tur sorkar a din theih nan hmalakho kan remti ta a ni," an ti.