Lungleiah National Nutrition Day
Lunglei District Programme Officer (ICDS) leh Child Development Office (ICDS) Project bultumin nimin khan Lunglei DC pisa tualah National Nutrition Month 2018 (Poshan Maah) hman a ni a; hemi puala rally buatsaiha telte chu additional DC Benjamin Lalzama'n a vailiam.
Benjamin Lalzama chuan, India ramah chaw ṭha ei tam tâwk loh avangin naupang kum 6 hnuai lamte zingah an ṭhan tur anga ṭhang lo leh sàn tur anga sang lo tam tak hmuh chhuah an nih thu a sawi a, "Nu naupai laia chaw ṭha ei tâwk loh vangin nausen a rih tur ang leh a nih tur ang ni pha lo tam tak an awm a ni," a ti.
National Nutrition Month puala rally buatsaihah hian ICDS, ASHA worker leh line department hrang hranga thawktute an tel a; DC kawtzawl aṭanga Treasury office thleng kawng an zawh a ni.