YMA Emblem

YMA Central Executive Committee member-te September 8, 2018-a ṭhukhawm chuan, YMA chhinchhiahna (emblem/ logo) chungchangan rel a, emblem-ah hian YMA rawng pathum - a sen, a var leh a dumte chauh hman tur a ni a, rawng dang telh loh tur thu an tichiang. YMA emblem-a a páwn lama rîn bial chu a duma rìn tur a ni a, meichher kuang pathum leh meialh éng anga a thla 10-te chu a sen tur a ni. Meichher kuang pathum chelhtu kut lem chu a dum niin, rawng hran pek loh tur a ni a, Estd. YMA leh 1935 tih chu rawng duma ziah tur niin, a inziahna ribbon chu a vár, a tlánga dum tur a ni. Rawng pathum tarlan bak chu rawng dang hman tel loh tur a ni a, emblem chhungah rawng dang hmanga background telh loh tur a ni bawk.