Mipui vote thlak chhintir mek

Mizoram chief election officer (CEO) SB Shashank chuan thu­chhuah siamin, kumina Mizoram Assembly inthlanpui atana inpuahchahna kal mekah Election Commission of India (ECI) duh dan angin, mipuiin electronic voting machine (EVM) leh voter verifiable paper audit trail (VVPAT)-te an kut ngeia inthlan hmaa an khawih theih nan district tinah mobile van feh chhuahpui mek a nih thu a tarlang.

CEO tarlan danin, Mizorama khaw hrang hrangah mobile van 54 hman a ni a, Static EVM Centre hmun pariatah siam a ni. Mobile van leh

Static Centre hmang hian September 11, Thawh­lehni theng khan mi 14,599-in vote an thlak chhin tawh. ECI hian vohbik (persons with aisabilities)-te'n vote an thlak a ngai pawimawh em em a, chuvang chuan kumina inthlanpui awm turah pawh PwD-te tan ruahmanna siam a ni.