Painting competition buatsaih

Systematic Voter's Education & Electoral Participation (SVEEP) hnuaiah Mamit district Election office chuan nimin khan Mamit High School-ah lem inziahsiakna, Painting Competition an buatsaih a; thupui chu 'Voting is my right' tih niin, Mamit khawpuia high school zirlai 30 an tel.

Painting Competition ṭan hmaa inkhawm tawiah Election officer J Miah­lung chuan, khua leh tui ṭha ni turin vote thlak ngei a ngai a, vote nei tawh phawt chuan vote thlak chu an chanvo leh mawhphurhna a nih thu a sawi a; roreltu thlang tura vote thlaknaah, rilru fim takin, mi ṭha, ram hruaitu tur thlan tur a nih thu a sawi bawk.