Mizoram BJP President-in Governor a kâwm

BJP, Mizoram Pradesh president thar Vanlalhmuaka chuan nimin khan Governor PS Sreedharan Pillai chu Raj Bhavan-ah a kawm a, central scheme Mizorama kalpui mekte a sawipui.

Vanlalhmuaka chuan, sorkar laipui hmalakna (scheme) ṭhenkhatah Mizoramah nasa taka hman sual a awma a lan thu a sawi a, "Scheme-te hi sorkar lai party ta ang maia party duhsakna a awm ṭhin a, a pawi hle. Party sawi loa a dawngtu tur, scheme-in a huam a tam thei ang berin dawng se kan duh a ni," a ti.

BJP President-in Governor a sawipui Ṭhenkhat

1.    Mizorama regional AIIMS dah

2.    Lengpui Airport chu international airport ni tura siam

3.    Kaladan Hydro Power Project (700 MW) tihpuitlin

4.    Silchar-Aizawl kawngpui 4-lane siam

5.    Lawngtlai aṭanga Dhaka (Bangladesh) pawh tur kawngpui siam

6.    Indo-Bangladesh border fencing zo vat tur a hmalak

7.    Mizoramah engineering college IIT/IIM/din

8.    Mizoram chhim lama airport siam

9.    Zochachhuahah international trade center din