Rajya Sabha MP thlang dawn

Vawiin chawhma dar 9 aṭang hian Rajya Sabha MP (Member of Parliament) thlanna neih a ni dawn. Mizoramah chuan Assembly Secretariat-ah buatsaih tur a ni a, tlai dar 4 thleng vote thlak hun hawn niin, tlai dar 5-ah vote chhiar a ni ang.

Rajya Sabha MP hi mi pathum - K Vanlal­vena, Mizo National Front, Dr Lallianchhunga, Indian National Congress leh, B Lalchhanzova Zoram People's Move­ment-te'n an chuh. MLA nei party zingah BJP-in candidate an nei lo.

Rajya Sabha MP hi MLA-te thlan tur a ni a, MNF-in MLA 27, ZPM-in MLA pasarih, INC-in MLA panga leh leh BJP-in MLA pakhat an nei mek a, MNF candidate hi tling tura ngaih a ni.

Mizoramah Rajya Sabha MP inthlan ṭum riat a lo awm tawh a, mi panga thlan tlin an ni tawh. Hiphei (INC) leh Lal­hmingliana (MNF) te chu a zawnin ṭum hnih (kum 12) ve ve thlan an ni.