LaQshya certification hlan
National Health Mission (NHM) mission director Dr Lalrozama chuan Mamit District Hospital hnenah LaQshya state level certification a hlan a, Mamit District Hospital medical superintendent Dr PC Lalliannghaka'n a dawng.
LaQshya programme hi India ram sorkar damdawi-in hrang hranga nau neihna (labour room) tihchangtlun nan leh tihhmasawnna atana sorkar laipuiin NHM hnuaia a duan a ni a; endikna tehfung hrang hranga 70% hmu phate hnenah certificate pek ṭhin a ni. Mamit District Hospital hi Mizoramah chuan state level certificate dawng thei hmasa ber a ni a, State Level Assessors endikna an paltlang vek a ni.