Beyonce-i'n tour a la kham lo

Beyonce leh a pasal Jay-Z te chuan 'On The Run II' tour an nei dun mek a, October 4 hian a hmawr an bawk tawh dawn. Hetih lai hian Beyoncé Giselle Knowles chuan tour an neih hi a la kham lo a, "A tawpna tur a la ni lo," a la ti cheu.

American singer Beyonce chuan, "Fan-te'n min ṭawiawm ṭha ṭhin em em a, a nuam takzet a ni. Tun hi a tawpna tur a ni lo a, kan la inhmu leh dawn nia," tiin a sawi. Beyonce leh Jay-Z te hian a vawi hnih nan June thla aṭang khan tour an nei dun a, an kalna apiangah lawm an hlawh ṭhin hle. An concert chhimtu pawh an tam thei hle a, hmun ṭhen khatah chuan school te pawh an khar hma phah hial a ni.

'On The Run II' tour aṭang hian sum pawh an hailut hnem hle a, $mtd 150 a chuang tawh a ni. Tour an neih chhung hian concert ṭum 48 zet an nei dawn a, October 4 hian CenturyLink Field, Seattle-ah a hmawr an bawk dawn a ni.