UBI-in Mizoramah inzàr pharh zel tum

United Bank of India (UBI) managing director Sawan Bajaj chuan Inrinni zan khan Hotel Floria-ah thuthar thehdarhtute a kâwm a; UBI chuan Mizoramah inzàr pharh zel an tum thu a sawi.

Sawan Bajaj chuan, Mizoramah branch pariat leh ATM booth pakua an neih mek thu sawiin, "Reserve Bank of India hnenah branch leh ATM booth hawn belh phalna kan dil mek. Mizoramah hian a zau thei ang bera inzàr pharh kan tum a, theihtawp chhuahin hma kan la mek a ni," a ti.

Mizoramah chuan retail, agrilculture leh MSME lamah ṭan an lak thu sawiin Sawan Bajaj chuan, "MSME entrepreneur tih­hmasawnna atan Aizawla kan branch zawng zawngte chu MSME specialised branch-ah kan puang," a ti a; an branch-te dang pawh MSME specialised branch atan puan zel an tum thu a sawi.

UBI Managing Director sawi danin, tun dinhmunah Mizorama chu deposit cheng vbc. 140.29 leh advance vbc. 69.60, a vaiin vbc. 209.89 a ni a, MSME bik chu vbc. 33.82 a ni.