Reiek tlang tifaiin hnatlang

Reiek V/C leh an khuaa pawl hrang hrangte chuan Inrinni khan Reiek tlang thenfai hnatlang an huaihawt a, mi 300 chuang an thawk chhuak. Hnatlangah hian Reiek tlang panna kawng leh tlang chhehvela bawlhhlawhte an thianfai a, tlang tlawhtute nuam zawka an kal theih nan kawng hnim laite an sâm a ni.

Reiek khawtlang hruaitute chuan, Reiek tlang tlawhtu an pung zel tih tarlangin, bawlhhlawh a tam chak em avangin mumal zawka enkawl a nih theih nan Reiek Tlang Tourism Development Board din a nih thu an tarlang a, "Board hian entry fee-te siamin, mumal zawka enkawl dan an ngaihtuah mek a ni," an ti.

Reiek tlang leh a chhehvelah sorkarin intihhlimna hmun - wall climbing, zip linning, rope activities, obstacle course, repelling, high rope course, rifle shooting, body zorbing, children park leh thil dangte a siam a, hman theiha peih a ni ṭêp tawh tih an tarlang bawk.