Lunglei DTF-te an che chhuak

Lunglei District Task Force (LDTF) on Covid-19 member-te chuan June 17, Nilaini khan group pangaah inṭhenin, Lunglei khawpuia task force leh quarantine centre-te an tlawh. District Task Force-te hian khung hran mekte ei atana khaw hrang hrangin thlai leh thei an thawh khawmte chu quarantine centre-ah an sem nghal a ni.

Lunglei DTF member thawk chhuakte chuan task force leh quarantine centre dinhmun leh harsatna an neihte an zir chiang nghal a, an thil hmuhte chu DTF Chairman hnenah report thlenin, a ṭul anga bawhzui a ni. Covid-19 léng mek vanga inkhàrkhip mekah Lunglei district mipui himna tur te, ei leh bar leh ni tin mamawh an tlâkchham loh nan hma task force-te nen ṭanghoin hma an la mek bawk.