Swachhata Hi Seva hawng

National Health Mission hnuaia State Quality Assurance Unit huaihawtin nimin khan Aizawl West College-ah Swachhata Hi Seva Campaign (fai tura chêt chhuahna campaign) hawnna hun hman a ni a, NHM mission director Dr Lalrozama'n a hmanpui. Dr Lalzozama chuan, fai turin mimal tinin mawhphurhna an nei tih sawiin, damdawi-inte a fai zawk theih nan mi tinin ṭan an lak thar a ngaih thu a sawi.

Swachhata Hi Seva hi India ram hmun dang rualin September 15 aṭanga October 2, 2018 chhungin Mizoram chhunga damdawi-in hrang hrangah hman a ni dawn a; hman a nih chhung hian sorkar damdawi-in, Health department office, sikul leh anganwadi-ahte fai pawimawhzia inzirtirna buatsaih tum a ni. Sorkar damdawi-in leh Health department office-ahte faina hnatlang neih tum a ni bawk.