AERO-te hna tur hrilhfiah

Nimin khan district zawng zawnga assistant expenditure observers (AEO)-te tan NLUP conference hall-ah orientation training buatsaih a ni a, chief election officer (CEO) SB Shashank-a'n a hmanpui.

SB Shashank chuan, hun rei lo tea Mizoram MLA General Election neih turah inbuatsaihna nasa taka a kal thu sawiin, "Model Code of Conduct puan a nih hunah chuan tih tur leh tih loh tur tam tak a awm dawn. Chung zingah chuan AEO-te hriat tur pawimawh tak tak awmin, candidate pakhatin cheng nuai 20 bak hman phal a ni dawn lo a, chutiang phal zat pawisa an hman leh hman loh endik leh enfiah chu AEO mawhphurhnaah a tel avangin, orientation hman hi a pawimawh em em a ni," a ti.

Inkhawmah hi additional CEO Lalzarmawii'n a kaihruai a, state level master training Vanlalrova'n thil pawimawh hrang hrang a sawifiah a, sawihona leh zawhna chhana hun hman zui a ni.