Thingzai khâwl hman khap a ni

Aizawl DC chuan thupek chhuahin, Aizawl district chhungah mi ṭhenkhatin thingzai khawl (chainsaw) hmangin thing kih leh zai an ­ching tih hriat a nih thu a tarlang a, "Ramngaw a tihchereu nasat bakah ramsa leh savate'n thing rah tlan tur an neih tâk loh avang­in an bo duak duak a. Ramngaw a chereu zel loh nan thing zaina kháwl hmanga thing zai khap a ni," a ti. 

Aizawl DC chuan an district huam chhung ramhnuaiah bialtu DFO-in ziaka phalna a pe a nih loh chuan thingzai khawl hmangin thing an zai tur a nih loh thu tarlangin, "He thupek zawm lote chu dan anga hrem an ni ang," a ti. He thupek hi hnuh kir a nih loh chuan tihchhuah a nih aṭanga thla hnih chhung a huam ang.