DC Maria-i awm hun pawtsei

Mizoram sorkar chuan nimin khan Maria CT Zuali'n Champhai DC nihna a chelh hun chhung February 2022 chhung atan pawhsei a intiam a, hei vang hian Champhai District NGO Coordination Committee chuan Maria CT Zuali an dan mek pawh nimin tlai khan an titâwp.

Tarlan tawh angin, Maria CT Zuali sawn chhuahna thupek January 13, 2022-a tihchhuah a nih hnuah, DC dangte nen January 26, 2022 thleng an awmna ngaia awm tura tih a ni. January 26 aṭang khan Champhai NGO-te chuan DC-in Champhai a chhuahsan lohna turin DC Complex bulah inkulhin an véng a ni.

Mizoram sorkar leh Champhai NGO-te inkara palai hnai Champhai Sub. Headquarters YMA hruaitute'n an thawk a, sorkar chuan Champhai YMA-te kaltlanga Maria CT Zuali awm hun chhung pawhsei a nih dawn thu NGO-te an hrilh hnuah, pung khawmte chu nimin tlai dar 5 khan an ṭîn darh a ni.