Covid-19 vangin mi 593 thi tawh

Nimin khan tlai dar 5 thlengin Mizoramah Covid-19 vangin mi pahnih an thi a, natna dang nei tel ve ve an ni. Mizoramah hripui vangin mi 593 an thi tawh a, kumin January thla bikah mi 47 an thi tawh.

Nimin zing dar 7:50 khan Parlawma (88), Saichal, Saitual district chu hripui vangin a thi. Covid-19 positive a ni tih nimin khan finfiah a ni a, finfiah a nih hnu lawkah a thi a ni.

Sangliana (72), Melthum, Aizawl pawh nimin chawhma dar 11:20 khan State Refferal Hospital-ah hripui vangin a thi. Covid-19 vei a ni tih January 19, 2022 khan hmuh chhuah a ni a, hemi ní vêk hian SRH-ah dah luh nghal a ni tih sorkar thuchhuakin a tarlang.