DC-in CMO hnenah kháwl a hlân

Mamit DC Dr Lalrozama chuan nimin khan DC conference hall-ah health sub centre-a hman turin mamit chief medical officer Vanlal­fela hnenah TrueHB Hemometer leh test strips a hlan.

Dr Lalrozama chuan, Mamit district chu Aspirational District an nih angin, REC Foundation aṭangin khâwl an dawn thu sawiin, "A bik takin nu nau pai mekte'n an haemoglobin (HB) awlsam taka an endik zung zung theihna tura pek kan ni," a ti a; ṭha tak leh a nihna tur ang taka hmang turin hriselna lama thawktute chu a chah.

TrueHB Hemometer leh test strip-te hi REC Ltd. CSR Health Project hnuaia dawn a ni a, Mamit district-a health sub centre 41-te hnenah set khat ṭheuh pek tura ruahman a ni.