MPYCC-in mipui thlavang hauh tum

Mizoram Pradesh Youth Congress Committee (MPYCC) chuan, mipui harsat leh retheih zual laia electric bill tihsan nawn leh tum chungchangah mipui thlavang hauhin nasa taka hma an lak dawn thu an puang.

MPYCC chuan, Mizoram sorkarin mipui phurrit ni mek kawlphetha chhit man tihsan nawn leh tumin, February 20, 2022 thleng dodalna thehluh theih a ni tiin tarlan a nih thu an sawi a, "Kawlphetha chhit man hi MNF sorkar hian tun dinhmunah tisang tawh suh se," an ti.

Kum 2021 khan Covid-19 vanga mipui mangan ber lai, April thlaah power tariff chu MNF sorkarin 41.92%-a tihsan a rawt a, mahse JERC-in 20.68%-in a tisang ta zawk tih sawiin MPYCC chuan, "Uchuak taka electric bill a tihpun aṭanga mipuiin chhiah pung an pek zat hi sorkarin a puanzar kan phût," an ti a; kawlphetha hman man sang taka tihsan a nih aṭanga kum chanve a liam âwrh tiha tihsan tum a ni leh chu an dodal thu an tarlang a ni.