Lawngtlaia Covid-19 vei mi 2 Thenzawlah thil eiin an châwl
July 4, Inrinnia ZMC Laboratory-a Covid-19 vei hmuh chhuah mi 22 zinga Lawngtlai district mi pahnihte chu June 29, 2020-a Lawngtlai pana a haw kawngah Thenzawlah thil eiin an châwl tih hriat a nih avangin anmahni hnaihtu nia hriat zawng zawng chu khung hran an ni.
Thenzawl Town Task Force chuan nimin khan hriattirna tichhuakin, "Lawngtlai lam mi Covid-19 positive pahnihte kha Jon Jon Restaurant-ah June 29 khan châwlin, a kawt dawrah thil an lei bawk a. Anmahni leh June 29 hnu lama an contact kan hriat theih zawng zawngte chu home quarantine vek tur an ni. Police, medical leh task force lamte'n contact tracing an buaipui mek a, chîâi lo turin kan inngen e," an ti. Thenzawl aṭanga thu dawn danin, Jon Jon Restaurant-a thawkte leh anmahni hnaihtute chu rapid antibody test hmanga endik bakah, an swab sample laka endik vek tum a ni.