Mizoram ramri vengtu turte vailiam

Kolasib district Border Safety Monitoring Team ruahman anga YMA, Kolasib Project Veng member 17 leh Khuangpuilam Branch member 22-te chu Kolasib district chhunga state ramri veng turin nimin khan an chhuak a; district bawrhsap Dr H Lalthlangliana'n a pisa tual aṭangin a vailiam.

Dr H Lalthlangliana chuan, hripui hlauhawm tak laka ram venghim tura ṭhalai thahnem tak an inpe chu fakawm a tih thu a sawi a; a súr a sa hnuaia ram tana thawk tura inpe an nih angin, an kal chhante ṭha leh tluang taka hlen chhuak tura duhsakna hlânin, ramria an awm chhungin inenkawl uluk tur leh natna kai lo tura inveng fimkhur thiam turin a chah a ni.

Kolasib DC chuan, Border Safety Monitoring Team hnuaia nimina chhuakte chu ṭum riat an intirh chhuahna a nih thu a sawi a; Kolasib district-ah YMA member, kum 18-40 inkar, hrisel ṭha tak tak mi 400 chuang ramri veng tura inziak lut an awm thu a sawi bawk.

Ramria duty tura nimina chhuakte hi June 22, 20 thleng an duty dawn a; Project Veng YMA member-te chu hi Saihapui-K ah leh Khuangpuilam YMA member-te hi Phaisenah an duty dawn a ni.