Covid-19 veite inkhung hun titâwi

Mizoram sorkar chuan Covid-19 vei, in lama inen­kawl leh inkhung hun chu ni sarih a nih tawh dawn thu leh ni sarih hnuah an chhuah theih tawh tur thu, January 29, Inrinni khan a puang.

Ministry of Health & Family Welfare-in January 5, 2022-a Covid-19 vei, in lama inenkawlte tana inkaih­­-hruaina thar a tihchhuah zûlzui leh State Level Expert Team on Covid-19 Management-in ṭha a tih angin Health secretary R Lalramnghaka chuan January 29, Inrinni khan home isolation-a inkhung hun chungchanga inkaihhruaina a tichhuak a ni.

Health Secretary tarlan danin, Covid-19 vei, in lama in enkawlte chu hri an vei (positive) tih hmuh chhuah an nihna swap sample lak ní aṭanga ni sarih tal a ral a, ni sarih aṭanga chhiar leta ni thum chhung Covid-19 symptom an neih loh chuan chhuahtir theih an ni. Chhuah theih ni mah se, hmai tuamna erawh ṭha taka vuah chhunzawm zel tur a ni thung. Home isolation aṭanga chhuah hmain swab test tih nawn kher a ngai lo.