Covid-19: Lunglei dinhmun sawifiah

Lunglei DC V Lal­sang­liana chuan nimin khan an district chhunga Covid-19 kai hmuh chhuah an nih chungchangah thuchhuah a siam a, Covid-19 chung­changa an district din­hmun a tarlang.

Lunglei DC tarlan dan­in, an district-ah Co­vid-19 vei 45 hmuh chhuah a nih hnuah June 18, 2020 khan positive dang pakhat hmuh chhuah leh a ni a, Covid Care Centre - Lung­lei College-ah enkawl tura sawn luh nghal a ni.

Hripui vei hmuh chhuah thar chu BCM Chanmari-a community quarantine centre-a awm sa a ni a, tun hnaia state dang aṭanga haw a ni. Bawrhsap chuan, mipui tan chiaina tur a awm lo a, hmunhmate pawh disinfection team-te’n an phuh thianghlim nghal thu a sawi.

Lunglei DC chuan, Covid-19 kai hmuh chhuah a nih avangin community quarantine centre - BCM Chanmari chu luh leh chhuah phal lohna hmun (containment area)-ah a puang nghal a ni.