MPCC-in an DAC thutlukna an thláwp

Congress party chuan thuchhuah siamin, MPCC Disciplinary Action Committee (DAC)-in MPCC vice president R Lalzirliana, an party aṭanga September 17, 2018-a a hnawtchhuak chu MPCC office bearer's emergency meeting-in an thlawp tih an tarlang.

MPCC thuchhuah chuan, R Lalzirliana chu Congress party inpumkhatna tichhe thei zawnga hma laa ngaih a nih avangin MPCC DAC-in September 11-ah show cause notice an pe tih sawiin, "Insawifiah duh loin, party constitution kengkawhtu ber DAC chu engahmah ngai loin chhân tlakah a ruat lo hi party zah lohna nasa tak a ni," a ti.

MPYCC, organiser, Aizawl City Youth Block president-te nimina Congress Bhavan-a joint meeting leh Lunglei District Congress Committee thuchhuah pawhin R Lalzirliana hnawhchhuah an thlawp thu an puang bawk.