MCS tur mi pathum la

Mizoram Public Service Commission (MPSC) chuan Mizoram sorkara group-A officer thawk laite tana Mizoram Civil Service (MCS) quota hnawhkhahna turin September 18-19, 2018 khan personal interview a buatsaih a; mi pathum an tling a, panel list-ah mi pahnih an awm.

MCS Junior Grade-a tling tharte chu - pakhatna - Esther Leihang d/o LH Shanliana, Treasury officer ni mek; pahnihna - Vanlalmuana s/o Lalzui­tluanga, MIS (PRO to Governor ni mek) leh, pathumna - Mary L Rodin­puii d/o RVL Thlana, MPS (Aizawl deputy SP ni mek) te an ni.

MPSC hotute hnen aṭanga thu dawn danin, MCS post zinga 20% chu sorkar hnathawk group-A ni mek tana hauh a ni a, chumi hnawhkhah nan chuan tun ṭumah hian MCS post pathum atan lak a ni.

Hetianga MCS-a lut tur hian tun hma chuan a ngheta sorkar hna kum nga aia tlem lo thawh a ngai a, tunah erawh chuan dan tihdanglam a nih avangin kum bithliah a awm tawh lo tih MPSC hotute chuan an sawi a, "Tunah chuan dil thei chin kum bithliah a awm lo a, group-A officer, a ngheta sorkara thawk tan dil theih vek a ni. Kumin hi hetianga kum bithliah awm loa kan tih hnmasak ber a ni," an ti.