EVM leh VVPAT hman dan zirtir

Aizawl DC pisaa Election Branch buatsaihin nimin khan T Romana College-ah electronic voting machine leh voter verifiable paper audit trail (VVPAT) hman dan a taka inzirtirna hun hman a ni a, zirlaite vote thlaktir chhin an ni. He hunah hian zirlai zinga vote nei thar tam tak leh vote la thlak lote'n inthlanah vote thlak dan an thiam theih nan vote an thlak chhin a ni.

EVM leh VVPAT hman dan inzirtirna hi Aizawl DC pisa buatsaihin Aizawla college hrang hrangah nei mek zel a ni a; J Thankima College, RIPANS, Women’s Polytechnic, Hindi Training College, Hrangbana College, Zirtiri Residential Science College-ahte neih tawh niin, Johnson College, Mizoram Law College, Pachhunga University College leh Mizoram University-ahte neih tura ruahmanna siam a ni.