Work order hâl MNYF-in an dem

MNF ṭhalaite chuan July 2, Inrinni khan thu-chhuah siamin, Congress party ṭhalai (MPYCC)-te'n hmasawnna hna thawhna tur work order July 3, 2020-a an hâl chu pawi an tih thu an tarlang.

MPYCC-in work order an hâl chu ram hmasawnna danchah an duh em ni, tih kan zawt tih sawiin MNYF chuan, "A hâltute hi hman ní maia work order lo hûm thlan dupte an ni a, anmahni mawng an hlîm maiah kan ngai. Hetianga mipui rilru hruai kâwi tuma chêtna maksak tak hi chíng tawh lo se kan duh hle a ni," an ti.

MNF ṭhalaite chuan, sorkarin work order a siam reng reng chu ram hmasawnna tur vek a nia sawiin, "A thawktu chu tu pawh ni se, eng party mi pawh ni se, an hnathawh tur kha ram hmasawnna tur vek a ni. Work order tihchhuah hi eng sorkarah pawh, eng hunah pawh a thleng reng a ni," an ti a; ramin hun harsa leh khirh a tawn mek karah ei leh bara intodelhna tur leh hmasawnna turin sorkarin hma a la zel nia sawiin, Finance department enkawltu chief minister Zoramthanga an chhuan thu an sawi.