Sorkar hotute'n ráltlânte an enfiah

Champhaia sorkar hotute chuan January 30, Pathianni khan Myanmar aṭanga tun hnaia ráltlânte'n an pan nasat khua Zokhawthar leh Mélbûk an tlawh a; bungrua leh hmanrua ṭulte an pe a, chhawmdawlna dang pawh a ṭul ang zela buaipui tum a nih thu an sawi.

Zokhawthar leh Melbuka Myanmar ráltlânte enfiahtute hi nodal officer Henry C Lalrawnkima, Champhai additional DC, SDO (Sadar) Lalnunfela Chawngthu, SDC Obed Lalmalsawma leh DMR district organiser VL Hruai­mawia te an ni.

Khawtlang hruaitute sawi danin, kar hmasaa inbeihna avangin Zokhaw­tharah hian ráltlân mi 2,000 vel an awm a, Melbukah mi 300 vel an awma chhinchhiah a ni bawk.