Ráltlânte hnenah document pawimawh pe chhuak lo turin Lunglei YMA-in ngen

YMA Sub-Headquar­ters, Lunglei hruaitute leh Lunglei district-a kohhran hrang hrang leh political party hruaitute chuan, Myanmar ram tualchhung buaina avanga Mizorama tlân lutte hnenah birth certificate leh voter iden­tity card dilna remchanga hman theih thil pawi­mawhte kohhrante'n pe chhuak lo se, an ti.

YMA Sub-Hqrs hian nimin khan YMA Con­ference Hall-ah Lunglei district-a kohhran hrang hrang leh political party hruaitute sáwm khawmin, Myanmar ram buaina avanga Lunglei district-a ráltlânte lo mikhual dan leh thil pawimawhte an sawipui a ni.

Ṭhutkhawmah hian Myanmar ráltlânte'n Mi­zo­rama kohhran hrang hrang an bèl tih an sawi a, kohhran member ngheta lo lawm lut mai lo a, temporary/associate mem­ber-ah erawh ngaih­hna­thiam ni se, tiin thu an dah.

"Birth certificate leh voter ID dilna remchanga hman theih document-te pawh kohhrante'n pek chhuah loh hrâm ni se," an ti a; "Political party-te pawh mahni party ham­ṭhatna remchanga lo hmanga lo intlânsiak loh ni se kan ti," an ti bawk.

An ngennate chu lehkha siamin Lungleia kohhran leh political party hrang hrang hnenah pek an rêl a ni.