Covid-19 vangin mi 608 thi tawh

Nimin khan tlai dar 5 thlengin Mizoramah Covid-19 vangin mi pahnih an thi a, January 30, Pathianni zan khan mi pakhat a thi bawk. Mizoramah hripui vangin mi 608 an thi tawh a, kumin January thla bikah mi 62 an thi tawh.

Pathianni zan dar 9:45 khan PC Darṭhuami (94), Lunglei Electric Veng chu hripui vangin a thi a; Covid-19 positive a ni tih a thih hmain (January 30) finfiah a ni a, natna dang nei tel a ni.

Nimin zing dar 3:35 khan Dawrkaii (75), Darlawn, Aizawl district chu State Referral Hospital-ah a thi a; Covid-19 vei a ni tih January 13, 2022 khan hmuh chhuah niin, January 14 aṭangin SRH-ah enkawl a ni a, natna dang nei tel a ni tih sorkar thuchhuakin a tarlang.

J Ralkulhtawna (62), Champhai pawh nimin tlai dar 4:10 khan SRH-ah a thi a; Covid-19 positive a ni tih January 10, 2022 khan hmuh chhuah a ni a, January 19-ah SRH dah luh a ni.