Khawbungah NABARD hmalakna inhrilhfiah

NABARD chuan nimin khan Khawbung BDO conference hall-ah Azadi Ka Amrit Mahotsav (AKAM) pualin self help group (SHG) member-te tan NABARD hmalakna leh hnathawh hrang hrang inhrilhfiah hun an buatsaih a; Khawbung BDO K Lalhlimpuia'n a hmanpui.

Inzirtirnaa tarlan danin, Khawbung RD Block-a MzSRLM, BMM kaltlangin sorkar kum 2021-22 chhungin Mizoram Rural Bank, Khawbung branch-ah SHG loan dilna thar 30 leh tihnun thar ngai 36 thehluh a ni tawh a, Khawbung MRB-ah loan dilna lut táng a awm rih lo.

MRB, Bungzung branch-ah SHG loan dilna thar pakhat leh tihnun thar ngai 16 thehluh a ni a, buaipui lai 15 a awm. MRB, Farkawn branch-ah SHG loan dilna thar 16 leh tihnun thar ngai 43 thehluh a ni a, dilna thar lut pathum leh loan tihnun thar ngai dilna lut 19 te buaipui mek a ni.

Khawbung RD Block-ah hian SHG 80 tan loan tihnun thar atan Rs 3,56,20,000 leh SHG 54 hnenah loan thar dilna atan Rs 43,30,000 pek chhuah a ni tawh a; loan thar dilna buaipui mek pathum leh loan tihnun thar ngai dilna 34 buaipui mek a ni bawk.