Court-in heroin kawltu a hrem

Siaha District Court-a Special Court (NDPS Act) judge Dr HTC Lalrin­chhana chuan Siaha district-a ruihhlo vanga man mi pahnih chu thiam loh a chantir a; kum nga leh kum thum chhung táng turin a ti.

Thu dawn danin, April 8, 2018 khan New Siahaah FC Vally (34) s/o FC Roma (L), New Latoh, Siaha leh Vabeila (27) s/o Regionthanga (L), Siaha Vengpui-te chu heroin gram 28 (hawng 2) an kawl avangin New Siaha Ruihhlo Do Committee (NRDC) leh Excise & Narcotics department-te'n an man a; The Narcotic Drugs & Psychotropic Substances Act, 1985 Section 21(b) tlawhchhanin thubuai siamsak an ni.

FC Vally leh Vabeila te hi Siaha Special Court (NDPS Act) chuan nimin khan hremna tur a puang a; FC Vally chu kum 5 chhung táng tur leh Rs. 10,000 chawi tur­in a ti a, Vabeila chu kum 3 chhung táng tur leh Rs. 5,000 chawi turin a ti thung.