Road Fund Board ṭhukhawm

Mizoram Road Fund Board (MRFB) chu nimin khan PWD minister Lal Thanzara hoin CMO conference hall-ah an ṭh a; PWD-in action plan hnuaia cheng vbc. 29.36 an dah chu an pawm.

Meeting-ah hian PWD secretary Lalram Thanga chuan, Mizoram Road Fund Rules, 2017 tlawhchhanin MRFB din a nih thu a sawi a, "MRFB-in Fund Source & Collecting agent a thlan chhuah - Transport department, Taxation department, PWD, Home department, Environment Forest & Climate Change, Geology & Mineral Resources leh Aizawl Municipal Corporation aṭangin cess, tax, fee, royalty leh fine hmangin kawng enkawl nan sum chhûn khawm a ni," a ti.

Meeting-ah hian, kum 2018-19 chhunga kawng enkawlna tur atana sum hman dan tur rel a ni. Normal maintenance - kawng khuar hnawh khahna, leimin thenfai, kawng ko sâm fai, kawng bal leh culvert siamṭhat, lei thawm ṭhat, khawl enkawlna leh kawng enkawlna hna hautak zawkte thawh nan first quarter leh second quarter atan cheng nuai 224.9 ve ve dah a ni a; kawng km. 5137.532-a thui a huam. Third quarter leh fourth quarter-ah cheng nuai 224.90 ve ve dah a ni bawk.