RD department award dawnte lawm a ni
Mizoram sorkara Rural Development department-in Ministry of Rural Development hnuaia kum 2019-a RD scheme hrang hranga hna an thawh ṭhat vanga lawmman pakua an lak chu nimin khan RD minister Lalruatkima hoin Aijal Club-ah lawm a ni a; RD department hnathawhte thlirletna leh hmachhawpte sawihona hun hman nghal a ni.
Minister Lalruatkima chuan, kum 2019 chhunga RD department hnathawhah hmasawnna tam tak a awm tih sawiin, "Lawmman pakua lai kan la thei a, hengte hi thawhhona ṭha kan neih vang a ni. Lawmman kan lak hian department mai bakah, Mizoram leh mipui kan chawimawi a ni. Lawmman la zinga V/C pahnih an tel hi a lawmawm leh zual a, V/C-te tel loin engmah hlawhtlinna kan hmu thei lo a, a bulthûma sorkar hmalakna hrang hrang a taka tihlawhtlingtute an ni," a ti.
Kum 2019 chhunga Ministry of Rural Development-in thingtlang hmasawnna tur scheme hrang hrang kalpuinaa thawk ṭhate thlangin, December 2019 khan Delhi-ah lawmman an sem a; Mizoram chuan category parukah lawmman pakua a dawng a ni.
Mizoramin lawmman a dawnte
# Shyama Prasad Mukherji Mission Rurban Mission (SSMRM)-ah state tê leh UT zingah overall performance-ah pahnihna
# Mahatma Gandhi National Rural Employment Gurantee (MGNREGA)-a Implementation of SECURE-ah pakhatna
# MGNREGA hnuaia Work Completion-ah pakhatna
# DISHA-ah pathumna
# Deen Dayal Antyodaya Yojana - National Rural Livelihood Mission-ah hmarchhak leh Himalayan state pathum zinga Financial Inclusion-ah pakhatna
# MGNREGA-a Work Completion-ah Champhai district chu pakhatna a ni.
# Best Performing Gram Panchayat-ah Khawpuar chu pakhatna a ni.
# Pradhan Mantri Awaas Yojana - Gramin (PMAY-G)-ah hna thawk ṭha lawmman ‘Individual Awards to Field Functionaries for Excellent Work - Gram Panchayat Sarpanch Award chu Khamráng V/C president Robert Lalramchuana'n
a dawng.
# Serchhip RD Block-a VLAA Zirsangliani'n Awaas Sahayak Award a dawng.