World Alzheimer's Day hmang

Nimin zing khan Millennium Centre kawtah Alzheimer’s and Related Disorders Society of India (ARDSI), Mizoram Chapter buatsaihin World Alzheimer's Day pualin hun hman a ni a, Health minister Lal Thanzara'n a hmanpui.

Health Minister chuan, Alzheimer natna ngaih pawimawh nacháng hretu an awm chu lawmawm a tih thu a sawiin, "Ṭhangthar zawkte'n ‘tar â’ ringawt an nih lohzia min zirtir thar leh ṭhin hi thil hlu tak a ni. Kumina World Alzheimer's Day thupui 'Min hre reng rawh' tih a nih angin, naupang leh ṭhalai zawk ten Alzheimer natnain a tihbuai tar zawkte duat takin kan enkawl a, kan hriat reng a ṭul a ni," a ti.

Inkhawm zawh hian Memory Walk buatsaih a ni a, mi eng emaw zatin kawng an zawh a ni.

World Alzheimer's Day pual vêk hian nimin chhun khan Chanmari YMA Hall-ah Alzheimer leh a kaihhnawihte zirhona leh inhrilhriatna hun buatsaih a ni a, National Healh Mission director Dr Lalrozama'n a hmanpui.