Mamit DC sawn chhuah a ni ; Cooperation registrar-ah an dah

Mamit DC Bupesh Chaudhary, IAS chu Election Commission of India (ECI) remtih angin sawn chhuah a ni .

DPAR chuan Septem-ber 20, 2018 khan thupek chhuahin Champhai DC hlui Vanlalngaihsaka, IAS, Cooperation depart­ment-a Registrar ni mek chu Mamit DC atan dah a ni a; Bhupesh Chaudhary chu Cooperation registrar hna thawk turin a ti bawk.

Tarlan tawh angin, Bupesh Chaudhary hi Mamita YMA leh pawl hrang hrangte chuan an duh loh avangin sawn chhuah an phût a; Septem­ber 18, 2018 aṭangin Mamit DC Office dan an tum avangin September 17 zanah Bhupesh Chaudhary chu Aizawl lamah hruai a ni a, Aizawlah pawh YMA hruaitute'n an lo hmuah avangin Aizawl luhpui nghal loin, 5th. IR hmunpui, Lungverhah riahtir a ni.

Bhupesh Chaudhary hi Mamit aṭanga sawn chhuak turin Mizoram sorkar hotute chuan sorkar laipuiah an thlen tawh ṭhin a; Election Commission of India under secretary Santosh Kumar Dubey chuan Sedptember 20 khan Mizoram Chief Electoral Officer hnenah lehkha thawnin, Bhupesh Chaudhary chu Mamit aṭanga sawn chhuah rem tih a nih thu leh, Mamit DC atan Vanlalngaihsaka dah tura hriattirna a a thawn a ni.