Congress kan hniam tial tial - Lalrinliana Sailo

Mizoram Pradesh Congress Committee (MPCC) general secretary Lalrinliana Sailo, Tui­chang bialtu MLA chuan, tun dinhmunah Congress party chhuasan tumna a neih loh thu a sawi a, chutih rualin, "Congress erawh kan hniam telh telh," a ti.

Nimina thuthar theh­darhtute'n an kawmnaah, Congress an tlin leh a rin leh rin loh zawhna chhangin Lalrinliana Sailo chuan, "Congress ka nih angin kan chak ka ring. Mahse, Pu Zira chhuakin hmun hrang hrangah nghawng a nei a ni," a ti a; an party chu a ni tèla an hniam telh telh thu a sawi.

Lalrinliana Sailo chuan, Congress chhuahsan tum­na a neih loh thu sawiin, "Kei teh lul hi party hrang hrangin min sáwm ve ṭhin a, ka lawm khawp mai. Tun dinhmunah chuan Congress chhuahsan tum­na rilru ka pu lo. Kan hma lam hun kal zel tur erawh ka hre lâwk lo a, Pathian thu thu a ni mai," a ti.

Congress party ticket-a a bial ngaia din leh a tum leh tum loh zawhna chhangin, "Ka bial ngai hi a huphurhawm khawp mai. Tun dinhmunah chuan Pu Tawnluia hi vote 3,000-4,000 velin a chak ka ring. District an duhna khian nghawng a nei lian ber a, district hmuh hman loh hlaute an tam," a ti.