MPF-in seminar buatsaih

Mizoram People Forum (MPF) Mamit Local Forum chuan September 22, Inrinni khan Mamit Presbyterian Kohhran hall-ah MPF leh political party hrang hrangte thawhhona thuthlung zirhona leh inhrilhfiahna hun an hmang a; MPF area forum hruaitute leh political party hotute an tel.

MPF seminar hi Mamit Hmunsam bial­tu pastor Rev. C Lal­chhuanawma'n a kaihruai a; Mamit bialtu pastor Rev. Rammmawipuia Pachuau-in inthlanna thiang­hlim neih dan tur a sawi a, sawiho nghal a ni. Rev. Rammmawipuia Pachuau chuan, Mamita political party hrang hrang hruaitute thianghlim leh felfai taka inthlan hma­chhawn tur leh, thawhhona thuthlung vawng reng turin an chah.

MPF hian Inrinni vek khan Dawrpui Vengthar leh Hunthar Venga local forum-te leh Aizawl East-II Constituency forum te, Mamit leh Khawlailung area forum hrang hrangte seminar an buatsaih a; nimin Pathianni khan Mualpheng, Ruallung, Rulchawm, Keifang, Keifang Mélveng, Keifang Vengthar, Masihi Sangati, Police Veng kohhranahte political education campaign an buatsaih bawk.