Mizoram PYD-in inkhawmpui an hmang

Mizoram UPC ṭhalai pawl, Pentecostal Youth Department (PYD)-te chuan September 21, Zirtawpni zan aṭang khan Lawng­tlai Vengpuia Region Higher Secondary School tualzawlah inkhawmpui an hmang a, nizan khan a ṭiak.

Inkhawmpui ṭan zan hian Lawngtlai bialtu pastor Lalhma­chhuana'n palai lawmna thu a sawi a; Mizoram UPC general secretary Rev. H Lalrawnkima'n inkhawmpui chu Pathian hnenah hlanin, Darlawn bialtu pastor Lalngaizuala'n thuchah a sawi.

Inrinni khan rorêl inkhawm neih a ni a; kum 2019 inkhawmpui­na hmun atan Hnahlân an thlang a, kumpuan thupui atan 'Danglamna' an thlang. Ruihhlo ngaite pualin ram pum huapin chaw nghei ṭawng-ṭai an rêl bawk.

Tun dinhmunah PYD-ah hian member 9,804 an awm a, chu'ng zinga 537 chu zûk leh hmuamah an fihlîm a ni.