DC-in NGO-te thawhpuiah sáwm

Serchhip DC thar Kumar Abhishek chuan nimin tlai khan a chenna banglaah Serchhip District NGO Coordination Committee hruaitute a kâwm a, thawhhona ṭha tak neihpuiah a sáwm.

ṭ

Kumar Abhishek chuan, Mizoramah kum 2018 aṭangin a awm ṭan thu sawiin, "Ser­chhip district-a NGO-te nen thawhhona ṭha tak kan neih theih nan hetianga inkawmna hun hi ruahman a ni," a ti a; an páwl hmalakna leh khawtlang thilah harsatna an nei a nih chuan engtik hunah pawh a hnena thlen hreh lo turin a chah.

NGO Coordination Committee-a tel pawl hrang hrangte chuan, an hmalakna hrang hrang leh hmalakna tura an duhna hrang hrangte Serchhip DC an hrilh ve bawk.