Council of Minister an ṭhukhawm ; Ngaihtuah turah MLP Rules tel lo

Nimin khan chief minister Zoramthanga hoin Council of Minister chu CM conference hall-ah an ṭhukhawm a, agenda pariat awmin, pawm vek a ni. Hetih lai hian, meeting agenda-a tel tura ngaih Mizoram Liquor Prohibition (MLP) Rules chungchang a tel lo.

Ṭhutkhawmah hian DPAR, Health & Family Welfare, Tourism, Fisheries, Home, Art & Culture leh Commerce & Industries department aṭanga agenda lutte ngaihtuah a ni a, sawiho a nih hnuah pawm vek a ni. Agenda-a telh hman tum MLP Rules chungchang erawh telh a ni lo a; telh a nih loh chhan chu, agenda-a telh turin peih hman a nih loh vang nia thu dawn a ni.

Vanglaini palai zawh­na chhangin Excise & Narcotics secretary KT Beicho chuan, MLP Rules chu Cabinet agenda-a pu lut turin a kawng a thui thu a sawi a, "Hman­hmawh takin kan buaipui a, department dang a kaltlangte a ngai ve a, kan peih hman ta lo. Peih thuai kan inbeisei," a ti.

Tarlan tawh angin, Mizoram sorkarin MLP Rules zir chiangtu tur committee a din, deputy chief minister Tawnluia kaihhruai chuan kohhran leh pawlte an ràwn hnuah wine siam leh zawrh khap ṭha an ti a, Cabinet-a rawtna thlen an rêl a ni.

MLP Rules chu De­cem­ber 19, 2019 khan notification hmangin chhuah a ni a, Decem­ber 19, 2019-ah vêk noti­fication hmang bawkin sût leh nghal a ni. MLP Rules thar duan leh a ni a, December 29, 2020-a CM Zoramthanga hoa Cabinet meeting chuan ennawn leh phawt an rêl.

Ennawntu tur Deputy CM kaihhruai committee din a ni a; committee chu ṭum li an ṭhutkhawm hnuah January 24, 2022 khan thutlukna an siam a ni.

Council of Minister-in an pawmte
1. The Draft Mizoram Civil Service Rules, 2021
2. (a) The Draft Mizoram Finance & Accounts Service (Limited Departmental Examination) Regulations, 2022
(b) The Draft Mizoram Finance & Accounts Service (Induction) Regulations, 2022
(c) The Draft Mizoram Finance & Accounts Service (Cadre Training & Departmental Examination) Regulations, 2022
3. Request for approval of 'The Mizoram Epidemic Diseases (Covid-19) Regulations, 2022'
4. Regularization of society, viz. the Mizoram Tourism Development Authority under Tourism Deptt. & Grant of Financial Aid to the Society
5. Proposal for Amendment of the Mizoram Fisheries Act, 2002 (Act No.12 of 2005)
6. The Mizoram Private Security Agencies (Private Security to Cash Transportation Activities) Rules, 2022
7. Proposal for handing over of maintenance of Martarte Thlanmual, Berampu Tlang, Luangmual, Aizawl from Martarte Thlanmual Siamtu Committee to appropriate Department under Government of Mizoram
8. The Mizoram Market (Regulation & Facilitation) Bill, 2022