Kum 2021-ah Aizawl district-ah ram kâng vawi 276 a thleng

Kum 2021 chhung khan Aizawl district-ah ram kâng vawi 276 leh Aizawl khawpui chhehvelah kângmei lian tham ṭum ruk a chhuak.

Aizawl District Fire Prevention Committee chu an chairman Dr Lalhriatzuali Ralte, bawrhsap hoin January 31, Thawhṭanni khan an ṭhukhawm a; kum 2021 chhungin Aizawl district-ah ramhnuai (forest area)-ah kângmei vawi 10 leh forest area páwn lamah vawi 266 a chhuak tih tarlan a ni a, "Aizawl khawpui chhehvelah kângmei lian tham ṭum ruk - Sakawrhmuituai, Reiek tlang, Muthi khaw hnuai, Zokhawsang leh hmun dangahte a chhuak a, lo hâl aṭanga chhuak a ni deuh zel," an ti.

Ṭhutkhawmah hian, Aizawl district-a lo hâl hun hnuhnung atan March 15, 2022 an ruat a; Aizawl chhehvela lo leh huan vâtte chu an hâl hmain thuneitute hnenah hriattir hmasa tur te, mipui zirtirna leh inkaihhruaina a zau thei ang bera kalpuite an rêl a ni.